疫情依然影響住大家嘅生活，當然亦影響無止橋嘅項目進度啦，特別係我地係内地嘅項目。除咗大家熟識嘅人行橋民生改善工程外，仲有我地係陝西省藍田縣嘅青峰戲台項目嘅發展工作。

「青峰戲台」係由香港理工大學同埋西安建築科技大學嘅無止橋團隊一共60幾位學生義工，夾手夾腳 將戲台修建翻新。克服重重難關，係2020年10月完工。

「青峰戲台」對於當地農村，至關重要，當地村民除咗喜歡係戲台表演秦腔戲曲外，佢哋仲會用黎舉辦村民大會、紅白二事、節日慶典等等。所以，通過内地香港兩地大學生嘅付出，讓當地嘅文化和歷史得到保留和傳承。呢樣都係無止橋重點工作之一呀！

今年7月，疫情稍為穩定，西安建築科技大學和西安交通大學嘅無止橋團隊就把握住呢個時間去咗一次「青峰戲台」實地了解下戲台嘅使用情況同埋有冇其他需求。當然，唔少得同一班村民一齊討論下點樣進一步發展戲台。

無止橋學生團隊完成實地考察後，用佢哋嘅原話：「明白到真正的設計是在滿足一定的功能、實用、經濟、美觀的前提下，還必須適應當地的文化和生活習俗」。對於同學黎講，真係獲益良多。

學生團隊已經各自返回學校，在繁重嘅學業下，佢地繼續要整理好資料同埋針對村民提出嘅意見制作「青峰戲台」項目2期嘅項目計劃書，密鑼緊鼓咁籌備。

小編有請各位讀者同我哋一齊，繼續靜心期待藍田青峰戲台下一章的故事。