無止橋同事由荔枝角 office 走到去科技大學，咁遠水路，又開邊瓣呀？即刻開估，我地係去探班呀，而探訪對象就係科大無止橋團隊，佢地喺科大既 Atrium 舉辦展覽，大家除咗可藉此了解無止橋嘅工作外，更可認識到科大團隊在過去成功舉辦嘅項目同活動，仲可以玩小遊戲拎獎品添，地點好易認，成條1比1嘅無止貝雷橋擺埋係當眼處 (見下圖)，你唔好話搵唔到啊！

另外，如果你心郁郁想加入科大無止橋團隊，但係又好似唔知頭唔知路咁，點做好？無嘅，鼓起勇氣行埋去問佢地啦，友善熱情嘅團隊成員會為你一一解釋清楚㗎喇！如果你對義工服務充滿住熱誠，又想認識一班志同道合嘅熱血朋友，咪猶豫，預定個時間過去搵佢地啦 (展期至10月28日)。