登登登凳！有重要野宣佈啊，無止橋一向都重視青年親身參與義務工作，去年年尾無止橋集思會過後，我地決定誠邀一班專上學生或畢業橋友以「青年委員」身份參與項目工作組和橋友工作組，協助機構制定未來的發展計劃，經過幾場面試，卒之有左結果喇！

10個「青年委員」背景各不同，來自不同院校，不同學系，有在學的亦有已畢業的，但佢地有一個共通點，就係一樣咁愛惜無止橋，所以願意抽出寶貴時間擔任「青年委員」。佢地剛剛係上星期參與咗兩個工作組嘅啟動會議，個個都好積極咁給予意見，同管理委員會嘅成員細心交流。

換一個角度睇，能夠聽取咁多年青人嘅心聲同意見，對機構嚟講，實在係一種喚醒同鞭策，期望係一班「青年委員」加入後，機構以後行嘅每一步，會更有活力同更堅實啊！一齊加油丫！